2015年10月14日 星期三

對抗粒粒Skin Care小分享

對抗粒粒Skin Care小分享

轉天氣見到好多女仔既皮膚都生粒粒,包括我都係😣呢個問題由細個困擾到大,所以我每個月都乖乖地做facial,美容師都會幫我針清一次過清哂佢,但過一排又生返⋯真係好困擾!
但最近轉左一啲洗面習慣同產品,真係改善左好多,所以今次特地綜合多年既經驗同感受,同大家分享一下點樣可以令佢改善~

1: 做完Facial針清完不要化妝
雖然最後美容師都會用上收毛孔的產品,但針清完皮膚都十分脆弱,如果重化妝,化妝品會刺激皮膚加上阻塞毛孔,第二日即刻生多幾粒添~

2: 無頭的粒粒才針清
因為無頭的走米是無法用深層清潔產品清走,必須用針清才能弄走,只清無頭的粒粒可減少針清次數及減少拉扯皮膚,避免惡性循環令毛孔粗大更易生粒粒。

3: 轉用洗面Gel
本身皮膚乾底既我以前係用洗面泡泡,以為會洗得更乾淨,其實係相反~佢會連保護皮膚既油份都洗走埋,愈洗愈乾,最近轉用左Innisfree既香榧舒緩洗面Gel,感覺清爽,粒粒生少左!

4: 一星期敷3-4次茶樹香榧泥膜
淨係敷T位生粒粒位置,感覺毛孔清潔左好多,以前擠得多既關係成日泛紅,個泥mask有舒緩功效,敷完有改善。之前有用過火山泥Mask,對去走米沒什麼效果,可能只適合對抗黑頭。
innisfree香榧茶樹舒緩面膜 $15@一粒

5: 轉用清爽乳液
以前以為自己皮膚乾,所以會選擇啲滋潤既Cream,點知適得其反,太潤吸收唔到之餘又立到阻塞毛孔,而家改用左乳液,補濕之餘又吸收得快,冬天晚上會再加上睡眠面膜,第二朝皮膚又充滿水份~

每人膚質都不同,阿Wing我皮膚薄x混合性偏乾的,希望小分享幫到大家啦 ❤️

- - - - - - - - - - - - - - - - - - - - - - - - -

WING LIZ,Make-up Artist,曾接受各大類型的化妝工作、婚禮及fashion show等,
喜愛妝容透薄自然,在此分享生活及化妝心得!
歡迎瀏覽聯系:
facebook fan page: www.facebook.com/winglizmakeup
e-mail: winglizmakeup@gmail.com

沒有留言:

張貼留言